Апублікаваныя кароткія версіі даследавання «Ацэнка сістэмы дзяржаўных закупак у Беларусі па метадалогіі SIGMA» на беларускай і англійскай

Кароткія версіі даследавання "Ацэнка сістэмы дзяржаўных закупак у Беларусі па метадалогіі SIGMA" цяпер даступныя на беларускай і англійскай мовах. Сістэма дзяржаўных закупак у Беларусі мае патрэбу ў рэфармаванні. Гэтае міжнароднае даследаванне ацэньвае стан спраў у Беларусі ў гэтай галіне як сярэдні. Асаблівую ўвагу, на думку аўтараў, неабходна ўдзяліць рэалізацыі прынцыпаў падсправаздачнасці і сумленнасці ў прымяненні да дзяржзакупак. У часовым стаўленні, паводле гэтага даследавання, у Беларусі найболей слабой з'яўляецца посттэндэрная фаза.

Мэта гэтай работы - вывучэнне галіны дзяржаўных закупак (на аснове аналізу даступных даных) для вызначэння ступені адпаведнасці сістэмы дзяржаўных закупак у Беларусі патрабаванням і рэкамендацыям ініцыятывы SIGMA для краін Еўрапейскай палітыкі добрасуседства (European Neighbourhood Policy).

Для гэтага праводзіцца ацэнка адпаведнасці сістэмы дзяржзакупак у Беларусі некалькім прынцыпам (№ 8, 9, 10) раздзела "Менеджмент публічных фінансаў" метадалогіі SIGMA. Неабходна адзначыць, што рэкамендацыі дадзенага дакумента прызначаны перш за ўсё для правядзення рэформы сістэмы дзяржаўнага кіравання з мэтай набліжэння яе функцыянавання да нормаў і падыходаў "належнага кіравання" (good governance) з усімі яго ключавымі прыкметамі.

Таксама даследаванне даступна ў нашай бібліятэцы на рускай мове ў поўнай і кароткай версіі