Новы дайджэст BIPART пра дзяржаўнае кіраванне ў Беларусі за ліпень–жнівень 2026

BIPART апублікаваў новы выпуск дайджэста, прысвечаны ключавым зменам у сістэме дзяржаўнага кіравання Беларусі ў ліпені–жніўні 2026 года. Асноўная ўвага ў даследаванні надаецца кадравым перастаноўкам у сілавым блоку і войску, узмацненню ролі Дзяржаўнага сакратарыята Савета Бяспекі і яго кіраўніка Аляксандра Вальфовіча ў каардынацыі сілавых структур, а таксама прызначэнням новых міністраў і зменам у мясцовых органах улады.

Адной з прыкметных тэндэнцый гэтага перыяду стала канцэнтрацыя кадравых змен на высокіх пасадах адразу ў некалькіх сілавых і ваенных структурах. Пры гэтым даследаванне адзначае, што адкрытых даных недастаткова, каб адназначна вызначыць матывы ўсіх прызначэнняў: частка з іх выглядае як звычайная ратацыя і змена пакаленняў, у той час як іншыя закранаюць чыноўнікаў з досведам працы па палітычна адчувальных справах. Паралельна ўзмацняецца непасрэдны кантроль цэнтра над мясцовымі адміністрацыямі праз прызначэнне правераных кадраў на наглядныя пасады. Ва ўрадзе адбыліся асобныя замены міністраў, а дыпламатычны корпус таксама папоўніўся новымі прызначэннямі.

Дайджэст даступны ў нашай бібліятэцы.