АПУБЛІКАВАНА ДАСЛЕДАВАННЕ BIPART АБ ПРАБЛЕМАХ БЮДЖЭТУ ДЛЯ ГРАМАДЗЯН БЕЛАРУСІ І ШЛЯХАХ ІХ РАШЭННЯ

Бюджэт для грамадзян (БДГ) - інфармацыйна-даведачны дакумент, які абагульняе і тлумачыць простай мовай інфармацыю аб бюджэце. Большасць дакументаў, звязаных з бюджэтам, адрозніваюцца вялікай колькасцю спецыяльнай тэрміналогіі, таму Бюджэт для грамадзян можна лічыць найважнейшым бюджэтным дакументам з пункту гледжання радавога грамадзяніна. Ён распрацоўваецца непасрэдна для шырокай грамадскасці і даступны для разумення нават тым людзям, якія не маюць спецыяльных ведаў аб бюджэтна-падатковай сферы. Важным момантам для лёгкасці ўспрымання з'яўляецца таксама той факт, што інфармацыя аб бюджэце прыводзіцца ў вялікай колькасці разнастайных дакументаў, а такі дакумент, як Бюджэт для грамадзян, яе аб'ядноўвае.

Міністэрства фінансаў Рэспублікі Беларусь (Мінфін) публікуе "Бюджэты Рэспублікі Беларусь для грамадзян" штогод, пачынаючы з 2018 года. Да пачатку 2023 года было апублікавана ўжо шэсць Бюджэтаў для грамадзян, заснаваных на дакументах бюджэтнага планавання. За мінулыя шэсць гадоў сітуацыя з паўнатой звестак у гэтых даведачна-інфармацыйных дакументах палепшылася. Так, значна пашырыўся раздзел, прысвечаны мясцовым бюджэтам, з'явіліся звесткі аб макраэканамічным прагнозе, на базе якога распрацоўваўся бюджэт, дадаўся раздзел з інфармацыяй аб рэалізацыі дзяржаўных праграм, павысілася якасць візуалізацый даных.

Пры гэтым, нягледзячы на шэраг пазітыўных змен, Бюджэт Рэспублікі Беларусь для грамадзян, які штогод публікуецца, па-ранейшаму не можа пахваліцца паўнатой інфармацыі і адпаведнасцю перадавым сусветным практыкам у гэтай галіне. Непаўната даных у Бюджэце для грамадзян Беларусі можа тлумачыцца не столькі жаданнем схаваць даныя, колькі агульнай непрадуманасцю фармату прадастаўлення даных і неразуменнем рэальных патрэбнасцей грамадзян у інфармацыі аб бюджэце. Дакладнае разуменне таго, як палепшыць гэты дакумент, нараўне з гатоўнасцю Мінфіна інвеставаць у гэты працэс, мог бы дазволіць адносна лёгка і хутка істотна палепшыць якасць дакумента.

Мэтай чарговага даследавання BIPART "Бюджэт для грамадзян Рэспублікі Беларусь: праблемы і шляхі іх вырашэння" з'яўляецца выяўленне падобных недахопаў у БГД, якія публікуюцца Міністэрствам фінансаў, і распрацоўка рэкамендацый па іх устараненню ў адпаведнасці з перадавымі сусветнымі практыкамі, назапашанымі ў гэтай галіне.

З кароткай і поўнай версіямі працы можна пазнаёміцца ў нашай бібліятэцы.